Məxfilik siyasəti

Biz kimik

Doktor.bio həkimlərin öz şəxsi səhifəsini (bio-sayt) yaratdığı platformadır. Bu siyasət həm həkimlərin (hesab sahiblərinin), həm də həkim səhifələrinə daxil olan ziyarətçilərin məlumatlarının necə işləndiyini izah edir.

Hansı məlumatları toplayırıq

Hesab məlumatları: ad və soyad, e-poçt, səhifə ünvanı. Parolla qeydiyyatda parol yalnız şifrələnmiş (hash) şəkildə saxlanılır, açıq parolu heç kim görə bilməz.

Google ilə giriş: yalnız Google hesabınızın adı, təsdiqlənmiş e-poçtu və Google-un verdiyi hesab nömrəsi alınır. Google parolunuza, poçtunuza, kontaktlarınıza və ya başqa məlumatlarınıza çıxış almırıq.

Səhifə məzmunu: həkimin özünün paneldə daxil etdiyi məlumatlar (bio, xidmətlər, şəkillər, ünvan, əlaqə və s.). Bunlar həkim səhifəni dərc etdikdə ictimai görünür.

Ziyarətçi məlumatları: randevu sorğusu, sual və ya rəy göndərəndə yazdığınız ad, əlaqə vasitəsi və mətn həmin həkimə çatdırılır.

Texniki məlumatlar: səhifə baxışlarının sayılması üçün IP ünvanının geri qaytarıla bilməyən hash-i və brauzer növü. IP ünvanı açıq şəkildə saxlanmır.

Məlumatlardan nə üçün istifadə edirik

Hesabı yaratmaq və girişi təmin etmək, həkim səhifəsini göstərmək, randevu və sualları həkimə çatdırmaq, statistikanı göstərmək, sui-istifadədən qorumaq və xidməti yaxşılaşdırmaq üçün. Məlumatları satmırıq və reklam məqsədilə üçüncü tərəflərə vermirik.

Google məlumatları

Doktor.bio Google API xidmətlərindən aldığı məlumatları yalnız giriş və hesab yaratmaq üçün istifadə edir. Bu məlumatların istifadəsi və başqasına ötürülməsi Google API Services User Data Policy tələblərinə, o cümlədən Limited Use qaydalarına uyğundur.

Kukilər

Yalnız zəruri kukilərdən istifadə edirik: giriş sessiyası və seçdiyiniz dil. İzləmə və ya reklam kukiləri yoxdur.

Məlumatların saxlanması və təhlükəsizlik

Məlumatlar Avropada yerləşən serverlərdə (Finlandiya) saxlanılır, bağlantı HTTPS ilə qorunur və verilənlər bazasının ehtiyat nüsxələri alınır. Hesabı bağlayanda və ya silmək istəyəndə məlumatlarınız qanunla saxlanması tələb olunmayan hallarda silinir.

Hüquqlarınız

Məlumatlarınıza baxmaq, düzəltdirmək, silmək və ya hesabı bağlamaq üçün dəstək xəttinə müraciət edə bilərsiniz.

Dəyişikliklər

Siyasət dəyişərsə, bu səhifədə yenilənir və yuxarıda tarix göstərilir.